İDMAN


Qazaxıstan idmançısı: Bizə yaratdığı şəraitə görə Azərbaycan Gimnastika Federasiyasına təşəkkür edirik

Bakı, 13 fevral, AZƏRTAC

Qələbə şansı hər bir idmançıda var. Ən əsası bu şansdan yararlanaraq əlindən gələni etməkdir.

AZƏRTAC Azərbaycan Gimnastika Federasiyasına istinadla xəbər verir ki, bu sözləri Bakıda keçiriləcək batut gimnastikası və tamblinq üzrə dünya kuboku yarışlarında iştirak edəcək Qazaxıstan idmançısı Pirməmməd Əliyev deyib.

P.Əliyev bildirib ki, məşq prosesi çox yaxşı davam edir: “Bizi çox yaxşı qarşıladıqlarına və bütün şəraiti yaratdıqlarına görə Azərbaycan Gimnastika Federasiyasına təşəkkür edirik. Dünya kuboku yarışlarında rəqabət güclü olacaq. Çünki müxtəlif ölkələrdən çox güclü idmançılar iştirak edəcəklər. Bütün idmançıları öz rəqibim hesab edirəm və onları keçmək üçün əlimdən gələni etməyə çalışacağam”.

Qeyd edək ki, batut gimnastikası və tamblinq üzrə ilin ilk dünya kuboku yarışları fevralın 16-17-də Bakıda keçiriləcək. Turnirdə 31 ölkədən 200-dən artıq gimnastın mübarizə aparacağı gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.