CƏMİYYƏT


Qazaxıstan və Azərbaycan COVID-19 pasportlarının qarşılıqlı tanınmasını müzakirə edirlər

Nur-Sultan, 24 sentyabr, AZƏRTAC

Qazaxıstan və Türkiyə qarşılıqlı əsasda COVID-19 pasportlarını tanıyıb.

Hazırda Qazaxıstan COVID-19 pasportlarının Azərbaycan, Argentina, İordaniya, İndoneziya, Mərakeş, Rusiya, Özbəkistan, Filippin və digər dövlətlərlə qarşılıqlı tanınmasına dair danışıqlar aparır.

AZƏRTAC Qazaxıstan Xarici İşlər Nazirliyinin mətbuat xidmətinə istinadən xəbər verir ki, Gürcüstan, Macarıstan, Qırğızıstan, Moldova, Monqolustan, Tailand və Türkiyənin səlahiyyətli dövlət orqanları ilə peyvənd pasportlarının qarşılıqlı tanınması barədə notalar mübadiləsi aparılıb.

Bununla da, COVID-19 pasportları əsasında Qazaxıstan və yuxarıda qeyd olunan ölkələrin vətəndaşları karantin məhdudiyyətləri olmadan (PCR-testin verilməsi, özünütəcridetmə və s.) dövlət sərhədlərini keçə bilərlər.

XİN-in məlumatında bildirilib ki, Belarus, Vyetnam, Misir və Oman kimi ölkələrə səfər etmək üçün Qazaxıstan vətəndaşlarına sərhəd buraxılış məntəqələrində COVID-19-a qarşı vaksinasiyanı təsdiq edən sənəd təqdim etmək kifayət olacaq.

İlahə Əhmədova

AZƏRTAC-ın xüsusi müxbiri

Nur-Sultan 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.