DÜNYA


Qazaxıstanda bəzi bölgələrdə karantin rejimi gücləndiriləcək

Nur-Sultan, 4 iyun, AZƏRTAC

Qazaxıstanda bəzi bölgələrdə karantin rejimi gücləndiriləcək.

Qazaxıstan Səhiyyə naziri Yeljan Birtanov qeyd edib ki, bəzi regionlarda karantin tədbirlərinin yüngülləşdirilməsi koronavirusa yoluxma hallarının artmasına gətirib çıxarıb.

AZƏRTAC xəbər verir ki, bununla əlaqədar Qərbi Qazaxıstan, Qızılorda, Mangistau vilayətlərinin rəhbərliyinə sanitariya-epidemioloji tələblərə əməl olunmasına dair nəzarətin gücləndirilməsi, o cümlədən məhdudlaşdırıcı tədbirlərin həyata keçirilməsi tapşırılıb.

Son məlumatlara görə, pandemiya dövründə üç vilayətdə, Qərbi Qazaxıstanda-754, Qızılorda-449, Manqistauda–308 koronavirus hadisəsi qeydə alınıb.

Qeyd edək ki, ölkədə ümumilikdə yeni növ koronavirusa yoluxanların sayı 12067-yə çatıb, 6240 nəfər sağalıb, 48 nəfər isə həyatını itirib.

 

İlahə Əhmədova

AZƏRTAC-ın xüsusi müxbiri

Nur-Sultan

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.