DÜNYA


Qazaxıstanda bir ailənin 5 övladı evdə yanğın nəticəsində həyatını itirib

Nur-Sultan, 20 fevral, AZƏRTAC

Qazaxıstanın Cambul vilayətində evdə baş verən yanğın nəticəsində bir ailənin 5 övladı həyatını itirib.

AZƏRTAC xəbər verir ki, Fövqəladə Hallar Nazirliyinin açıqlamasına görə, saat 15:00 radələrində beşmərtəbəli mənzilin üçüncü mərtəbəsindəki mənzildə başlayan yanğında ölən uşaqlardan böyüyün 5, ən kiçiyinin isə 1 yaşı var idi.

İlkin məlumata görə, yanğın vaxtı uşaqların atası işdə olub, anası isə bazara gedibmiş. Azyaşlılar xəstəxanaya yerləşdirilsələr də, həyatlarını xilas etmək mümkün olmayıb.

Yanğınla əlaqədar şəhər qubernatorluğu tərəfindən xüsusi komissiya yaradılıb və hadisənin səbəbi araşdırılır.

Xatırladaq ki, buna bənzər hadisə 2019-cu ildə Nur-Sultanda baş verib. Həmin vaxt yanğın nəticəsində bir ailənin 5 qız övladı həyatını itirmişdi.

İlahə Əhmədova

AZƏRTAC-ın xüsusi müxbiri

Nur-Sultan 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.