DÜNYA


Qazaxıstanda güclü şaxtalar hökm sürür

Astana, 5 fevral, AZƏRTAC

Fevralın ilk günlərindən başlayaraq Qazaxıstanda güclü şaxtalar hökm sürür. Karaqanda, Qızılorda, Akmola, Pavlador, Kustanay, Cənubi və Şərqi Qazaxıstan vilayətlərinin bəzi yerlərində havanın temperaturu mənfi 40-45 dərəcəyə düşüb.

AZƏRTAC xəbər verir ki, şaxtalar güclü külək və dumanla müşayiət olunur. Ölkədə bir sıra yollar bağlanıb.

Şəhərkənarı ictimai nəqliyyatın hərəkəti məhdudlaşdırılıb, paytaxtın bütün çıxış yolları bağlanıb. Görmə məsafəsi 700 metrə düşdüyü üçün Astana-Frankfurt aviareysində ləngimə yaranıb.

Ölkədə fövqəladə yardım göstərmək üçün yollarda tibbi və xilasetmə məntəqələri yaradılıb. Qazaxıstanın Fövqəladə Hallar Nazirliyinin əməkdaşları son günlər yollarda qalan onlarca fərdi minik avtomobili və avtobuslarda olan sərnişinləri təhlükəli ərazilərdən çıxarıblar.

Kəskin soyuqlarla əlaqədar Astanada bütün orta məktəb və liseylərin şagirdləri, həmçinin kolleclərin birinci və ikinci kurs tələbələri dərslərdən azad olunub. Şəhərdəki məktəblərdə fevralın 6-sı üçün birgünlük tətil elan edilib.

Sinoptiklər belə hava şəraitinin fevralın 7-8-dək davam edəcəyini bildiriblər.

İlahə Əhmədova

AZƏRTAC-ın xüsusi müxbiri

Astana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.