DÜNYA


Qazaxıstanda son bir ayda koronavirusa yoluxma halları 20 dəfə artıb

Nur-Sultan, 19 yanvar, AZƏRTAC

Qazaxıstanda koronavirusun “omikron” ştamı olan 70 min xəstə ambulator müalicə alır.

AZƏRTAC xəbər verir ki, bu barədə Qazaxıstanın səhiyyə naziri Ajar Giniyat bildirib.

Səhiyyə naziri COVID-19 ilə bağlı vəziyyətin gərginləşməsi ilə əlaqədar ölkədə yeni karantin rejiminin tətbiqi ehtimalını şərh edərək bildirib ki, karantin tədbirləri hər bölgədə epidemioloji vəziyyətə uyğun olaraq fərqli şəkildə tətbiq olunacaq.

Son sutka ərzində ölkədə 9,7 min nəfərdə koronavirusa yoluxma halı qeydə alınıb. Son bir ayda COVID-19-a yoluxma halları 20 dəfə artıb.

Qeyd edək ki, ölkədə son günlər COVID-19-a yoluxma hallarında artım müşahidə olunur. Qazaxıstan regionlarında epidemioloji vəziyyətin qiymətləndirilmə cədvəlinə əsasən, “sarı” zonada yalnız Türküstan bölgəsi qalır, bütün digər bölgələri "qırmızı" zonadadır.

İlahə Əhmədova

AZƏRTAC-ın xüsusi müxbiri

Nur-Sultan 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.