CƏMİYYƏT


Qazi futbolçularımıza növbəti dəstək göstərilib

Bakı, 3 iyun, AZƏRTAC

Azərbaycanda Qadın Sahibkarlığının İnkişafı Assosiasiyasının (AQSİA) dəstəyi ilə qazi futbolçularımız “chek up” müayinədən keçiblər. Belə ki, Türkiyədən beynəlxalq yarışdan qayıdan “Qarabağ Əlil Döyüşçülər” Futbol Federasiyasının “Qarabağ” komandasının üzvlərinin sağlamlıqları hər zaman AQSİA-nın diqqətindədir.

AQSİA-dan AZƏRTAC-a verilən məlumata görə, bu dəfə oyunçularımızın müayinəsi AQSİA-ya üzv olan “MedEra” Hospital tərəfindən gerçəkləşdirilib. AQSİA-nın sədri Səkinə Babayeva bildirib ki, qazilərimizə, şəhidlərimizin əzizlərinə xidmət, diqqət, qayğı Assosiasiyanın prioritetidir. Federasiyanın rəhbərliyi və üzvləri isə belə nəcib və humanist təşəbbüsü dəstəklədiyi üçün AQSİA-ya və “MedEra” Hospitalın rəhbərliyinə öz təşəkkürlərini bildiriblər. Qeyd olunub ki, müayinələrin nəticələri qənaətbəxşdir, qazi futbolçularımız məşqlərinə davam edəcəklər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.