REGİONLAR


Qəbələ Dövlət Peşə Təhsil Mərkəzinin tələbələri narkomaniyanın fəsadları barədə maarifləndiriliblər

Qəbələ, 29 yanvar, Mustafa Dadaşov, AZƏRTAC

Əsrin bəlasına çevrilmiş narkomaniya bu gün bəşəriyyəti narahat edən ən qlobal problemlərdən biridir.

Qəbələ Rayon İcra Hakimiyyətindən AZƏRTAC-ın bölgə müxbirinə bildirilib ki, bu fikir Qəbələ Dövlət Peşə Təhsil Mərkəzinin və rayon Polis Şöbəsinin birgə təşkilatçılığı ilə keçirilən “Narkomaniyaya yox deyək!” mövzusunda maarifləndirmə tədbirində səsləndirilib.

Qəbələ Dövlət Peşə Təhsil Mərkəzində keçirilən tədbirdə rayon Polis Şöbəsinin əməkdaşları, mərkəzin rəhbərliyi və tələbə kollektivi iştirak ediblər.

Tədbirdə Dövlət Peşə Təhsil Mərkəzinin direktoru Qalib Nəbiyev, rayon Polis Şöbəsinin əməliyyat işləri üzrə rəis müavini, polis mayoru Ceyhun Qurbanov, narkotiklərlə mübarizə qrupunun əməliyyat müvəkkili, polis baş leytenantı Ramil Həsənli və cinayət axtarış bölməsinin əməliyyat müvəkkili, polis leytenantı Rəşid Süleymanov narkotik vasitələrin cəmiyyət üçün yaratdığı problemlərdən danışıb, bu maddələrin fəsadları barədə geniş məlumat veriblər.

Çıxış edənlər gəncliyin fiziki və mənəvi sağlamlığı üçün ciddi təhlükə törədən və ağır zərbə vuran narkomaniyanın mənfi nəticələrini diqqətə çatdırıb, ölkənin hər yerində narkomanlığa qarşı ciddi mübarizənin aparıldığını bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.