İQTİSADİYYAT


Qəbələ elektrik şəbəkəsi üzrə təmir-bərpa işləri davam etdirilib

Bakı, 26 noyabr, AZƏRTAC

İstehlakçıların elektrik enerjisi təchizatında yaranacaq hər hansı bir problemin qarşısının vaxtında alınması məqsədilə transformator məntəqələrində və elektrik verilişi xətlərində aparılan təmir işləri “Qəbələ” Elektrik Şəbəkəsi Müəssisəsində davam etdirilib.

“Azərenerji” ASC-nin mətbuat xidmətindən AZƏRTAC-a bildirilib ki, keçirilmiş reydlər zamanı ötən 9 ayda müəssisə üzrə 380-dan artıq qayda pozuntusu aşkarlanıb və 1 milyon 61,6 min kilovat-saata yaxın itirilmiş elektrik enerjisinin 63,7 min manatdan çox istehlak dəyəri bərpa olunub. Bu dövrdə 78,6 milyon kilovat-saatdan artıq elektrik enerjisi istehlak edilib. Nəticədə ötən ilin müvafiq dövrü ilə müqayisədə istehlak 15,9 milyon kilovat-saatdan çox artıb. O cümlədən, daimi əhali istehlakçı qrupu üzrə istehlak ötən ilin müvafiq dövrü ilə müqayisədə 2,6 milyon kilovat-saata yaxın artaraq 29 milyon kilovat-saata yaxın olub. Ödənişdə artım qeydə alınıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.