İDMAN


“Qəbələ” klubu Mozambik yığmasının hücumçusunu transfer edib

Bakı, 10 iyul, AZƏRTAC

“Qəbələ” futbol klubu növbəti transferini gerçəkləşdirib.

AZƏRTAC klubun saytına istinadla xəbər verir ki, “qırmızı-qaralar” Mozambik yığmasının üzvü Klesio Palmirim David Bauk ilə anlaşıb. İyirmi beş yaşlı hücumçu ilə 1+1 illik müqavilə imzalanıb. Klesio futbol həyatına “Ferroviariu” klubunda başlayıb. Ardınca o, “Benfika” (2012-2013-cü illər), “Benfika B” (2013-2016-cı illər), “Harrisburq Siti” (2014-cü il), “Panetolikos” (2016-2018-ci illər) klublarının şərəfini qoruyub. Mozambikli futbolçu sonuncu mövsümü Türkiyənin “İstanbulspor” klubunda keçirib.

Hücumçu 2011-ci ildən Mozambik yığmasının şərəfini qoruyur.

Xatırladaq ki, “Qəbələ” klubu daha əvvəl Fernan Ferreyra Lopes, Merab Qiqauri, Kamal Mirzəyev, Sadiq Quliyev və Kristian Kouakounu heyətinə cəlb edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.