İDMAN


“Qəbələ” klubu braziliyalı hücumçu ilə birillik müqavilə imzalayıb

Bakı, 31 iyul, AZƏRTAC

Azərbaycan Premyer Liqasının 2022-2023-cü il mövsümünə hazırlığı davam etdirən “Qəbələ” heyətinə daha bir futbolçu qatıb.

AZƏRTAC xəbər verir ki, “Qəbələ” yay transfer dövründə beşinci futbolçunun keçidini gerçəkləşdirib.

Braziliyalı hücumçu Ramon Maçado 2022-2023-cü il mövsümündə komandanın formasını geyinəcək. Otuz bir yaşlı futbolçu ilə birillik müqavilə imzalanıb.

R.Maçado karyerası ərzində Almaniyada “Reqensburq”, Braziliyada “Esportivo”, “Lajeadense”, “Santa Kruz”, “Boa Esporte”, “Brazil de Pelotas”, “Ponte Preta”, “Yuventud”, “Vila Nova”, “İtuano”, “Parana”, “Santo Andre”, “Botofoqo” klublarında forma geyinib. O, 2021/2022-ci il mövsümündə Azərbaycan Premyer Liqasında çıxış edib. “Neftçi” ilə gümüş mükafat qazanan forvard 24 oyunda 5 qol vurub.

Xatırladaq ki, “Qəbələ” bunadək İlkin Qırtımov, Səlahət Ağayev, Felipe Santos və Feras Abu Akalı heyətinə qatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.