İDMAN


“Qəbələ” klubu heyətinə daha bir futbolçu cəlb edib

Bakı, 17 iyun, AZƏRTAC

2022-2023-cü il mövsümünün hazırlığını davam etdirən “Qəbələ” klubu heyətinə daha bir futbolçu cəlb edib.

AZƏRTAC klubun rəsmi saytına istinadən xəbər verir ki, "Qəbələ" yay fasiləsində üçüncü transferini gerçəkləşdirib.

Klub heyətini braziliyalı hücumçu Felipe Santosla gücləndirib. İyirmi beş yaşlı futbolçu ilə 1+1 illik müqavilə imzalanıb.

Ötən mövsümü “Şamaxı”da keçirən Santos Azərbaycan Premyer Liqasında 21 oyunda 6 qol vurub. O, bunadək Braziliyada “Paulista”, Sloveniyada “Ankaran Hrvatini” və “Maribor”da çıxış edib.

Xatırladaq ki, “Qəbələ” bunadək İlkin Qırtımov və Səlahət Ağayevi heyətinə qatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.