CƏMİYYƏT


Qəbələ rayonunda karantin rejimi qaydalarının pozulduğu toy məclisinin təşkilatçıları cərimələniblər

Bakı, 26 oktyabr, AZƏRTAC

Qəbələ Rayon Polis Şöbəsinin əməkdaşları tərəfindən aparılan yoxlamalar zamanı fərdi evlərdə keçirilən toy mərasimlərində karantin rejimi qaydalarının pozulduğu aşkarlanıb.

Daxili İşlər Nazirliyinin mətbuat xidmətinin Şəki regional qrupundan AZƏRTAC-a verilən məlumata görə, rayonun Yenikənd, Soltannuxa və Böyük Pirəlli kəndlərində fərdi evlərin həyətyanı sahələrində təşkil edilən toy məclislərində 150-dən artıq qonağın iştirak etdiyi, həmçinin həmin məclislərin iştirakçılarının bəzilərinin COVID-19 pasportu olmadığı müəyyənləşib.

Aşkarlanan qayda pozuntuları ilə əlaqədar toy məclislərinin təşkilatçıları Elsevər Qismətov, Mahir Əzimov və Qismət Mustafayev inzibati qaydada cərimələniblər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.