REGİONLAR


Qəbələdə Vətən müharibəsinin qaziləri evlərində ziyarət olunub

Qəbələ, 25 noyabr, Mustafa Dadaşov, AZƏRTAC

İkinci Qarabağ müharibəsi döyüşləri zamanı yaralanan qəbələli qazilər evlərində ziyarət olunub.

Bu barədə AZƏRTAC-ın bölgə müxbirinə Qəbələ Rayon İcra Hakimiyyətindən məlumat verilib.

Rayon icra hakimiyyətinin rəsmiləri torpaqlarımızın erməni işğalçılarından azad edilməsi uğrunda gedən döyüşlər zamanı yaralanan hərbçilərin və ailələrinin problemləri ilə maraqlanıb, onlara ərzaq yardımları çatdırıblar.

Görüşlərdə bildirilib ki, torpaqlarımızın azad edilməsi uğrunda başlanan Vətən müharibəsində şanlı Azərbaycan Ordusu Müzəffər Ali Baş Komandanın rəhbərliyi altında misli görülməmiş bir uğura imza atıb, 30 ildir işğal altında olan Qarabağ torpağı mənfur düşməndən birdəfəlik təmizlənib. Vurğulanıb ki, Vətən müharibəsində qazanılan tarixi Qələbə, ilk növbədə, qəhrəman əsgər və zabitlərimizin böyük rəşadətinin təntənəsidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.