REGİONLAR


Qəbələli gənclər “Əsas həyat bacarıqları” təlimlərinə cəlb olunublar

Qəbələ, 16 may, Mustafa Dadaşov, AZƏRTAC

Gənclərin İnkişaf və Karyera Mərkəzinin (GİKM) təşkilatçılığı ilə respublikanın 15 şəhər və rayonunda start götürən və gənclərdə özünü tanıma, şəxslərarası və düşünmə bacarıqlarının formalaşdırılmasını hədəfləyən “Əsas həyat bacarıqları” təlim proqramı Qəbələdə öz işini davam etdirir.

GİKM-nin Qəbələ nümayəndəliyinin direktoru Teymur Alşanov AZƏRTAC-ın bölgə müxbirinə bildirib ki, UNICEF-in Azərbaycandakı nümayəndəliyinin tərəfdaşlığı ilə həyata keçirilən proqramın əsas məqsədi region gənclərinin şəxsi və peşəkar həyatda qarşılaşdıqları problemlərin aradan qaldırılmasına, onlarda sosial və emosional bacarıqların inkişaf etdirilməsinə dəstək olmaqdır. İki ay davam edəcək layihədə müsahibə əsasında seçilmiş 17-22 yaş arası gənclər iştirak edirlər.

Proqramın bu həftəsində təlimçi Nərmin Cabbarlı tərəfindən gənclərə “Mübahisələri həlletmə”, “Münasibətlərin idarə edilməsi”, “İnamlı ünsiyyət”, “Məqsədi müəyyənləşdirmə” və digər mövzular barədə geniş məlumat verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.