İQTİSADİYYAT


Qətərli nazir: Neftin qiyməti minimum 62-63 dollar/barrel səviyyəsində olmalıdır

Bakı, 6 dekabr, AZƏRTAC

Neftin qiyməti minimum 62-63 dollar/barrel səviyyəsində olmalıdır.

AZƏRTAC xarici KİV-lərə istinadla xəbər verir ki, Qətərin energetika naziri Saad al-Kaabi bu fikirdədir.

O, neftin qiymətinin ən aşağı səviyyəsinin 62-63 dollar/barrel olmasının vacibliyini qeyd edib. Bildirib ki, daha aşağı səviyyə neft bazarına mənfi təsir göstərəcək.

Nazir ölkəsinin yeni enerji strategiyasının daha çox təbii qaza fokuslanmaq olduğunu bildirib: “Qətərin OPEC-ə üzvlükdən çıxması da bu istiqamətdə atılan addımdır. OPEC bizim strategiyamız üçün böyük bir fayda vermir”.

Xatırladaq ki, ötən günlərdə dünyanın ən böyük mayeləşdirilmiş təbii qaz (LNG) ixracatçısı və gündəlik orta hesabla 650 min barrel neft istehsal edən Qətər 57 ildir üzv olduğu OPEC-dən gələn il yanvarın 1-dən etibarən çıxacağını açıqlayıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.