DÜNYA


Qeyri-leqallara sürücülük hüququnun verilməsini yüngülləşdirən qanun layihəsi qəbul edilə bilər

Vaşinqton, 29 noyabr, AZƏRTAC

ABŞ-ın Nyu-Cersi ştatı qanunvericilərinin təklif etdikləri qanun layihəsinə görə, qeyri-leqallar leqal şəkildə sürücülük hüququ ala və öz avtomobillərini sığortalaya bilərlər.

AZƏRTAC xəbər verir ki, qanun layihəsini baxılması üçün Nyu-Cersi qanunvericilik məclisinin yuxarı palatasına təqdim edən qanunvericilərin fikrincə, bu addım yerli iqtisadiyyatı dəstəkləyəcək. Senator Cozef Vitali bildirib ki, Nyu-Cersi ştatında qeyri-leqal immiqrantların olması gerçəkliyini inkar etmək mümkün deyil. Ştatın digər sakinləri kimi, onlar da maşın sürür, uşaqlarını məktəbə aparırlar. Əgər immiqrantların leqal sürücülük hüququ yoxdursa, deməli, sığortaları da yoxdur. Bu isə o deməkdir ki, onlar qeydiyyata götürülməmiş nəqliyyat vasitələri idarə edirlər. Belə hallar yolda təhlükə yaradır. O deyib: “Əgər siz belə immiqrantla birlikdə qəzaya düşsəniz, sığorta olmadığına görə ziyanın əvəzi ödənilməyəcək”.

Qeyd edək ki, qeyri-leqallara sürücülük hüququnun verilməsi praktikası bir sıra ştatlarda, o cümlədən Kaliforniya, Kolorado, Konnektikut, Delaver, İllinoys, Merilend, Nevada, Nyu-Meksiko, Yuta, Vermont, Vaşinqton ştatlarında və Havay adalarında mövcuddur.

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.