DÜNYA


Qeyri-maddi mədəni irs siyahısına müasir rəqs əlavə edilib

Qeyri-maddi mədəni irs siyahısına müasir rəqs əlavə edilib

Berlin, 1 dekabr, AZƏRTAC

“Alman dalğası” nəşri UNESCO-nun bəşəriyyətin Qeyri-Maddi Mədəni İrs siyahısına daxil olan adları sadalayaraq Azərbaycan milli qadın baş örtüyü olan kəlağayını qeyd edib.

AZƏRTAC xəbər verir ki, nəşr dünən müasir rəqsin siyahıya daxil olunmasından bəhs edib. Materialda qeyd olunur ki, bu sənəd əsasında qorunacaq obyektlərin siyahısı bəşəriyyətin mədəni irsinin rəngarəngliyini nümayiş etdirir, adət-ənənələrin əhəmiyyətini göstərir, həmçinin onların tamamilə yox olmaq təhlükəsini vurğulayır. Almaniya tərəfindən konvensiyanın 2013-cü ildə ratifikasiya edildiyi qeyd olunur.

Məlumatda qeyri-maddi mədəni irs siyahılarının artıq 140 ölkədən 600-dən çox elementi ehtiva etdirdiyi deyilir. Onların arasında, misal üçün, kəlağayı, qırğız və qazax yurdlarının hazırlanması bacarıqları, Braziliya milli döyüş sənəti kapoeyra və yapon kağız istehsalı ənənəsi də yer alıb.

Noyabrın 28-dən dekabrın 3-dək Mərakeşin paytaxtı Rabatda keçirilən UNESCO-nun iclasında Qeyri-Maddi Mədəni İrs Siyahısına daxil edilməsi ilə bağlı qərarlar qəbul olunur. Noyabrın 30-da UNESCO müasir rəqslə yanaşı, fransız bagetini də bu siyahıya daxil edib.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.