Bakı, 23 iyul, AZƏRTAC

Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə Qida Təhlükəsizliyi Agentliyi tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.

Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, Bakıda və regionlarda fəaliyyət göstərən 55 ictimai iaşə obyekti, 181 ərzaq satışı mağazası olmaqla ümumilikdə 236 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 81-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Həmin müəssisələr arasında Bakı şəhərində “Ordubad”, “Mehrac”, “Toğrul”, “Dad”, “Uğur”, “Büllur”, “Montin”, “Happy” marketlər, Bayramov Bəxtiyar Fərəməz oğluna, Kərimov Elşən Qurban oğluna məxsus ərzaq mağazaları, Abşeron rayonu, Novxanı kəndində “Aysu” market, Sumqayıt şəhərində “Nehrəm”, “Mini” marketlər, Şabran rayonunda Şabanov İlham Həbibulla oğluna, Hacıyev Laçın Akif oğluna, Ağayev Zahid Sədi oğluna, Mirzəyev Elşən Həzrətqulu oğluna, Mürsəlov Fərid Ramazan oğluna məxsus ərzaq mağazaları, Kürdəmir rayonunda “Kral”, “Məhəllə”, “Bol mart”, “Emil”, “Tunar”, “Sahib”, “Vüsal”, “Ruslan” marketlər, “Bakı”, “Ümid” restoranları, “Ali”, “Əlibayram”, “Kral” kafeləri, Göyçay rayonunda “Çayarxı”, “Xurma bağı” kafelər, Məhərrəmov Natiq Aydın oğluna, Əhmədov Rauf Hikmət oğluna məxsus kafelər, Səfərəliyeva Afaq Əsgərağa qızına məxsus yeməkxana, Şamaxı rayonunda “Həyat”, “Nurəddin”, “Qarabağ”, “Niyal” kafelər, Hacıqabul rayonunda Qəhrəmanov Məhərrəm Məmmədi oğluna məxsus kafe, Şirvan şəhərində Rəhmanova Təranə Miryusif qızına məxsus ərzaq mağazası, Saatlı rayonunda “Araz Şöhrət” market, Abbasov Miraqil Miradəm oğluna, Teymurov Nəriman Lətif oğluna məxsus ərzaq mağazaları, Sabirabad rayonunda “Araz Pak” ərzaq mağazası, Mingəçevir şəhərində “Anar”, “Arzuman”, “Zaur” marketlər, Məmmədov Ramin İlqar oğluna, Mahmudov Rövşən Arif oğluna, Mustafayeva Sədaqət Yolçu qızına, İsmayılova Şərəbanu Qəhrəman qızına məxsus ərzaq mağazaları, Zaqatala rayonunda “Öz Dönər” dönərxana, Laçınov Mustafa Əsədulla oğluna məxsus ərzaq mağazası, Oğuz rayonunda Yusubova Aynurə Fikrət qızına məxsus ərzaq mağazası, Qəbələ rayonunda Sadıqov Elvin Ağasəlim oğluna məxsus kafe, Cəlilabad rayonunda Əliyev Zahir Miri oğluna, Babayev Rəfail Allahşükür oğluna, Qasımov Ramil Allahverdi oğluna məxsus ət satışı mağazaları, Biləsuvar rayonunda Məmmədzadə Həmid Ramizəli oğluna, Abbasov Seymur Gülhüseyn oğluna, Əzizov Zaur Rəşid oğluna məxsus ət satışı mağazaları, Samux rayonunda “Seyfi” kafe, Ocaqova Rəsmiyyə Akif qızına, Orucov Əşrəf Çapay oğluna, Hüseynov Mahir Abbasəli oğluna, Cəfərov Turqut Natiq oğluna, Xəlilova Səbinə İsrafil qızına məxsus ərzaq mağazaları, Ağstafa rayonunda Məmmədov Rövşən Vəhti oğluna məxsus kafe, “Şamlıq”, “Yaşıl məkan”, “Yaşıl göl” kafelər, Əmiraslanov Elşad Qələndər oğluna, İsgəndərov Nofəl Sahib oğluna məxsus ərzaq mağazaları, “Ailəm”, “Vüsal” marketlər, Gədəbəy rayonunda “Vüqar”, “Turşsu”, “Yaşıl” kafelər və Şəmkir rayonunda Əliyev Xəyal Camal oğluna məxsus çörək istehsalı müəssisəsində daha çox uyğunsuzluqlar aşkar edilib.

Qida Təhlükəsizliyi Agentliyi Bakıda və regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcək.