CƏMİYYƏT


Qida Təhlükəsizliyi İnstitutunun əməkdaşları beynəlxalq təlimdə iştirak ediblər

Bakı, 10 noyabr, AZƏRTAC

Qida Təhlükəsizliyi İnstitutunun (AQTİ) əməkdaşları Türkiyənin İstanbul şəhərində “ISO 22000-Qida təhlükəsizliyinin idarəetmə sistemi” mövzusunda keçirilən beşgünlük təlimdə iştirak ediblər.

Agentlikdən AZƏRTAC-a verilən məlumata görə, təlimdə “Qida təhlükəsizliyi idarəetmə sisteminin sənədləşməsi” və “Qida təhlükəsizliyi idarəetmə sistemində daxili yoxlama” mövzuları müzakirə olunub.

Tədbir çərçivəsində Türk Standartları İnstitutunun (TSE) Qida laboratoriyasının müdiri Meriç Karacan ilə görüşən AQTİ-nin əməkdaşları biogenetik və qida laboratoriyasının fəaliyyəti ilə də tanış olublar.

Təlimdə iştirakçılara balın tərkibi, 112 sayda müxtəlif növ pestisidlərin və aflotoksinin miqdarını müəyyən edən, həmçinin qida məhsullarının tərkibində proteinin, nitrat, nitrit kimi birləşmələrin və digər analizlərin aparılmasında istifadə olunan cihazlar haqqında nəzəri və praktiki məlumatlar verilib.

Təlim iştirakçılarına beynəlxalq sertifikatlar təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.