CƏMİYYƏT


Qida Təhlükəsizliyi İnstitutunun əməkdaşları ilə UNICEF arasında görüş keçirilib

Bakı, 19 fevral, AZƏRTAC

Qida Təhlükəsizliyi İnstitutunun əməkdaşları UNICEF-in Azərbaycandakı nümayəndəliyinin proqram rəhbəri ilə görüşüb.

Agentliyin İnformasiya təminatı və innovativ həllər şöbəsindən AZƏRTAC -a verilən məlumata görə, görüşdə institutun fəaliyyəti ilə əlaqədar UNICEF-in nümayəndəsinə ətraflı məlumat verilib və bildirilib ki, sağlam qidalanmanın təşviqi və bu istiqamətdə mövcud qanunvericilik bazasının təkmilləşdirilməsi üçün yeni texniki normativ hüquqi akt layihələrinin hazırlanması, həmçinin müvafiq elmi araşdırmaların aparılması İnstitutun fəaliyyətinin prioritet istiqamətlərindəndir.

Beynəlxalq qurumun Səhiyyə və Qidalanma Proqramının rəhbəri Töhfə Cəmilova UNICEF-in Azərbaycan üzrə 2021-2025-ci illər üçün “Əməkdaşlıq Proqramı" çərçivəsində həyata keçirilməsi nəzərdə tutulan tədbirlərlə bağlı məlumatı görüş iştirakçılarının diqqətinə çatdırıb və qeyd edib ki, hazırda həmin proqramın icrasının təmin edilməsi məqsədilə aidiyyəti dövlət orqanları ilə birlikdə 2 illik fəaliyyət planı hazırlanır.

Görüş zamanı tərəflər arasında əməkdaşlıq istiqamətləri və perspektivlərə dair fikir mübadiləsi aparılıb, o cümlədən məktəbəqədər yaşda olan uşaqların və məktəblilərin qidalanması sahəsində normativ hüquqi bazanın təkmilləşdirilməsi, onların qidalanma metodologiyasının müəyyənləşdirilməsi, eyni zamanda, bəhs edilən məsələlər və ana südü ilə qidalanmanın əhəmiyyəti barədə maarifləndirmə işlərinin genişləndirilməsi üçün birgə tədbirlərin həyata keçirilməsi haqqında ilkin razılıq əldə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.