DÜNYA


Qırğızıstan parlamenti ölkə Prezidentinin istefasını rəsmən qəbul edib

Bişkek, 16 oktyabr, АZƏRTAC

Qırğızıstan parlamentinin - Joqorku Keneşin oktyabrın 16-da keçirilən növbədənkənar iclasında Prezident Sooronbay Jeenbekovun istefasını rəsmi olaraq qəbul edib.

AZƏRTAC xəbər verir ki, Sooronbay Jeenbekov dövlət başçısı kimi son çıxışını da edib. Sooronbay Jeenbekov deyib ki, o, ölkədəki qarşıdurmanı aradan qaldırmaq üçün istefa verib. “Qırğızıstanda sülh və sabitliyin qorunması mənim üçün hər şeydən üstündür. Mən Qırğızıstanın tarixində qan tökən, öz vətəndaşlarına güllə atan Prezident kimi qalmaq istəmədim”, - deyə Sooronbay Jeenbekov bildirib.

Parlamentin iclasında Prezidentin səlahiyyətlərinin rəsmi olaraq Baş Nazir Sadır Japarova verilməsi məsələsi də müzakirə edilib və deputatlar onun lehinə də səs veriblər.

Beləliklə, yeni prezident seçkiləri keçirilənədək Sadır Japarov həm də dövlət başçısının səlahiyyətlərini yerinə yetirəcək.

İclasda çıxış edən Sadır Japarov qarşıda duran vəzifələrdən danışıb, prezident seçkilərinin 2021-ci il yanvarın 10-dan gec olmayaraq keçiriləcəyini bildirib.

Qulu Kəngərli

AZƏRTAC-ın xüsusi müxbiri

Bişkek

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.