QAN YADDAŞI


Qırğızıstan portalları 20 Yanvar faciəsinin ildönümü ilə bağlı məqalələr yayıb

Bişkek, 19 yanvar, АZƏRTAC

Azərbaycanın Qırğızıstandakı səfirliyinin təşəbbüsü ilə bu ölkənin “01.kg”, “today.kg”, “barometr.kg”, “nazarnews.org” portallarında 20 Yanvar faciəsinin 32-ci ildönümü ilə bağlı rus dilində məqalələr yerləşdirilib.

AZƏRTAC xəbər verir ki, məqalələrdə 20 Yanvar faciəsi ərəfəsində Azərbaycanda ictimai-siyasi vəziyyətdən bəhs edilir. Bildirilib ki, 1990-cı il yanvarın 19-dan 20-nə keçən gecə keçmiş sovet ordusunun böyük hərbi kontingenti Bakıya yeridilib. Əməliyyat zamanı qocalara, qadınlara, uşaqlara qarşı qəddarlıq və görünməmiş vəhşiliklər törədilib, 147 nəfər qətlə yetirilib, 744 nəfər yaralanıb, 841 nəfər qanunsuz həbs edilib.

Qeyd olunub ki, o vaxt Moskvada yaşayan ulu öndər Heydər Əliyev yanvarın 20-də Azərbaycanın Moskvadakı daimi nümayəndəliyinə gedib, mətbuat konfransı keçirib, sovet qoşunlarının Azərbaycanda həyata keçirdiyi qanlı aksiyanı qətiyyətlə pisləyib.

Heydər Əliyev bu cinayətlərə görə keçmiş SSRİ-nin rəhbərlərini ittiham edib, faciəyə görə məsuliyyəti bilavasitə Mixail Qorbaçovun daşıdığını bildirib.

Məqalələrdə vurğulanır ki, bu faciəni törətməklə keçmiş SSRİ-nın rəhbərliyi 1966-cı ildə qəbul olunan İnsan Hüquqları Paktını, 1975-ci il Helsinki Yekun Aktını, 1949-cu il Cenevrə Konvensiyasını və digər beynəlxalq sənədlərin maddələrini pozub.

Qulu Kəngərli

AZƏRTAC-ın xüsusi müxbiri

Bişkek

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.