CƏMİYYƏT


Qırğızıstanda “20 Yanvarı unutmadıq” adlı tədbir keçiriləcək

Bişkek, 15 yanvar, АZƏRTAC

Qırğızıstandakı Türkdilli Dövlətlərin Siyasətinə Dəstək Fondu (TDSDF) yanvar ayının 19-da qanlı Yanvar hadisələri ilə əlaqədar Bişkek şəhərindəki Mərkəzləşdirilmiş Kitabxanalar Sistemində “20 Yanvarı unutmadıq” adlı tədbir keçirəcək.

AZƏRTAC xəbər verir ki, tədbirdə Qırğızıstanın elm, mədəniyyət və incəsənət xadimləri, şair və yazıçılar, kitabxananın oxucuları, diasporumuzun üzvləri iştirak edəcəklər.

Əvvəlcə tədbir iştirakçılarına 20 Yanvar faciəsi ilə bağlı sənədli film göstəriləcək, faciəni törədənlər haqda danışılacaq.

Tədbir iştirakçılarının adından beynəlxalq təşkilatlara qanlı yanvar hadisələrini törədənlərin cinayət məsuliyyətinə cəlb edilməsi haqda müraciət qəbul olunacaq.

İştirakçılara Azərbaycan Milli Elmlər Akademiyası A.Bakıxanov adına Tarix İnstitutunun alimlər qrupunun hazırladığı "Ermənilərin Azərbaycan torpaqlarında törətdikləri vəhşiliklər tarixi faktlarla" kitabı hədiyyə ediləcək.

Rus və ingilis dillərində olan bu kitab TDSDF tərəfindən nəşr olunub.

Xatırladaq ki, həmin kitaba görə Ermənistan Xarici İşlər Nazirliyi Qırğızıstan Xarici İşlər Nazirliyinə nota göndərmişdi.

Qulu Kəngərli

AZƏRTAC-ın xüsusi müxbiri

Bişkek

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.