İDMAN


Qış idman növləri üzrə Paralimpiya millimiz Birləşmiş Ərəb Əmirliklərində təlim-məşq toplanışına başlayıb

Bakı, 1 noyabr, AZƏRTAC

Qış idman növləri üzrə Paralimpiya milli komandamız Birləşmiş Ərəb Əmirliklərində təlim-məşq toplanışına başlayıb.

AZƏRTAC xəbər verir ki, paralimpiyaçı qızlarımız Aytac Qasımova və Gülnar Rəhimova hazırlığı dağ xizəyi və snoubord idman növləri üzrə “SKİ Dubai” kompleksində keçirlər. Onlar beynəlxalq dərəcəli məşqçilərin rəhbərliyi altında hazırlaşırlar. Noyabrın 8-də kişi idmançılarımız Ceyhun Mahmudov və Daşqın Abbasov qızlarla birlikdə hazırlığa başlayacaqlar.

Millimizin baş məşqçisi Məhəmməd İsmayılov Beynəlxalq Paralimpiya Komitəsinin təşkil etdiyi məşqçilərin hazırlıq kurslarında iştirak edir.

Qeyd edək ki, idmanın bu növü Azərbaycan Paralimpiya hərəkatı tarixində ilk dəfə olaraq yaranır və idmançılar Uşaq Paralimpiya Komitəsinin və digər Paralimpiya idman növlərinin idmançıları arasından seçiliblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.