ELM VƏ TƏHSİL


Qiymətləndirmə tapşırıqları üzrə hazırlıq kursları onlayn formada təşkil olunacaq

Bakı, 16 oktyabr, AZƏRTAC

Dövlət İmtahan Mərkəzində (DİM) rus dili, fizika, biologiya və tarix fənlərindən buraxılış və qəbul imtahanlarında istifadə olunan qiymətləndirmə tapşırıqlarının hazırlanması və onların meyarlar üzrə yoxlanılmasına dair hazırlıq kurslarına qeydiyyat oktyabrın 1-də başa çatıb.

DİM-dən AZƏRTAC-a bildirilib ki, koronavirus (COVID-19) pandemiyası ilə bağlı ölkədə tətbiq edilən xüsusi karantin rejiminin qaydaları nəzərə alınaraq hazırlıq kurslarının məşğələlərinin noyabrda onlayn formada keçirilməsi planlaşdırılır.

Hazırlıq kurslarının fəaliyyət qrafiki haqqında noyabr ayında əlavə məlumat veriləcək. 2017-ci ildə kursu bitirmiş və sertifikat almış müdavimlər üçün sertifikatların qüvvədə olma tarixi 2022-ci ilin yanvar ayınadək uzadılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.