İQTİSADİYYAT


Qiymətli Kağızlar üzrə Mərkəzi Depozitar Platforması və Ticarət Sistemi istifadəyə verilib

Qiymətli Kağızlar üzrə Mərkəzi Depozitar Platforması və Ticarət Sistemi istifadəyə verilib

Bakı, 31 mart, AZƏRTAC

Martın 31-də Milli Depozit Mərkəzi (MDM), Bakı Fond Birjası (BFB) və maliyyə texnologiyaları sahəsində qabaqcıl korporasiyalardan biri olan “Montran” şirkəti tərəfindən yaradılan Qiymətli Kağızlar üzrə Mərkəzi Depozitar Platforması (CEDAR) və Ticarət Sistemi (BETP) uğurla istifadəyə verilib.

MDM-dan AZƏRTAC-a bildirilib ki, yeni yaradılan sistemlər qiymətli kağızlarla həyata keçirilən biznes prosesləri səmərəli şəkildə idarə etməyə imkan verir. Bu sistemlər ən yaxşı təcrübələrə və ISO 20022 standartlarına uyğun olaraq qurulub. Layihə çərçivəsində Milli Depozit Mərkəzi fərdi və korporativ investorların qiymətli kağızlar üzrə depo hesablarını idarə etməyə imkan verən yeni İnvestor Portalı platformasını da istifadəyə verib.

Milli Depozit Mərkəzi tərəfindən istismara verilən Depozitar uçot sistemi, İnvestor portalı və Bakı Fond Birjasının Ticarət sistemi Azərbaycanın kapital bazarı infrastrukturunun təkmilləşdirilməsində və ölkənin qiymətli kağızlar bazarının dayanıqlı şəkildə inkişaf etdirilməsində mühüm rol oynayacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.