İDMAN


Qızlar arasında “Challenge” yarışlarında iki yaş kateqoriyası üzrə qaliblər bəlli olub

Bakı, 5 iyun, AZƏRTAC

İyunun 5-də Bakıda velosiped idmanının BMX növü üzrə dünya çempionatının “Challenge” yarışlarında qızlar arasında iki yaş kateqoriyası üzrə qaliblər müəyyənləşib.

AZƏRTAC xəbər verir ki, 16 və daha aşağı yaşlı qızların yarışında ABŞ idmançısı Makkenziya Qeyhart birinci olub. Yaponiyalı Jui Yabuta ikinci, Fransa təmsilçisi Kamilla İmbert üçüncü pillədə qərarlaşıblar.

Çempionatda 17-29 yaşlı velosipedçilərin yarışında ilk iki pillədə niderlandlı idmançılar – Suele Ruitenqa və Tamar Vedder yer alıblar. Üçüncü pillədə isə yeni zelandiyalı Toni Ceyms qərarlaşıb.

Qeyd edək ki, iyunun 9-dək davam edəcək dünya çempionatında 43 ölkədən 1500-dək velosipedçi birincilik uğrunda mübarizə aparacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.