REGİONLAR


Qobustanda sahələrə payızlıq taxıl səpilir

Qobustan, 10 oktyabr, AZƏRTAC

Qobustan rayonunda payızlıq taxıl səpini kampaniyası sürətlə davam etdirilir və artıq 23 min 515 hektarda əkin aparılıb.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, mühüm strateji məhsul olan taxılçılıq Qobustanda kənd təsərrüfatının aparıcı sahələrindəndir. İndiyədək əkilən sahələrin 16 min 315 hektarı buğda, qalanı isə arpadır. Cari mövsümdə 31 min hektarda səpin aparılacağı proqnozlaşdırılır. Hazırda sahələrə hər gün 60-dan çox səpin aqreqatı çıxarılır. Bütün ərazilərdə, xüsusilə Sündü, Cəyirli, Xilmilli, Ərəbşalbaş və bir sıra digər ərazi vahidlərində səpin kampaniyası mütəşəkkil aparılır. Əkində əsasən yerli şərait üçün daha əlverişli olan “Qobustan”, “Bezostiya” buğda, “Cəlilabad”, “Dəyanətli” arpa sortlarından istifadə edilir.

Taxılçılar bu mühüm kampaniyanın oktyabrın 25-dək başa çatdırılması üçün bütün qüvvələrini səfərbərliyə alıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.