DÜNYA


Qrenlandiya aeroportu iqlim dəyişikliyi ilə əlaqədar mülki uçuşları dayandırıb

Stokholm, 16 noyabr, AZƏRTAC 

Qrenlandiya aeroportu iqlim dəyişikliyinin qurbanına çevrilir.

AZƏRTAC xəbər verir ki, Qrenlandiyanın “Kanqerlussuak” əsas aeroportu növbəti beş il müddətində mülki uçuşların yerinə yetirilməsini dayandırmalı olacaq. Bunun səbəbi əbədi buzlaqların əriməsinin uçuş-eniş zolağında çatlağa səbəb olmasıdır.

İqlim dəyişikliyi artıq bu aeroportda özünü göstərir. Belə ki, temperaturun yüksəlməsi ilə daim donmuş vəziyyətdə olan ərazilər sürətlə əriyir. Bu, öz növbəsində, uçuş-eniş zolağına da öz təsirini göstərir və ekspertlərin rəyinə əsasən, təyyarələr üçün ciddi problemə və qəzalara səbəb ola bilər. Bütün bunları nəzərə alan Qrenlandiya hökuməti növbəti beş ildə fəaliyyətini dayandıracaq “Kanqerlussuak” əsas aeroportunun yerində yenisini inşa etməyi planlaşdırır.

Qeyd edək ki, Qrenlandiya planetimizin ən böyük adasıdır. Onun səthinin 80 faizi buzlarla örtülüdür. Lakin ada iqlim dəyişikliyi ilə əlaqədar ciddi problemlərlə üzləşib. Alimlər təkcə bu il böyük ərazidə buzlaqların əridiyini bildiriblər. 2012-ci ildə Qrenlandiya 450 milyard ton buz sahəsi itirib və proqnozlara görə, yaxın illərdə o qədər də buzlaqlardan məhrum olacaq. Yaramış vəziyyət onların ciddi narahatlığına səbəb olub.

Rauf Əliyev

AZƏRTAC-ın xüsusi müxbiri

Stokholm

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.