DÜNYA


Qreta Tunberq İspaniyaya avstraliyalı ailənin katamaranında yollanacaq

Madrid, 13 noyabr, AZƏRTAC

Madriddə dekabrın 2-dən 13-dək BMT-nin COP25 adı ilə tanınan iqlim sammiti keçiriləcək.

AZƏRTAC xəbər verir ki, isveçli gənc fəal Qreta Tunberq Atlantikanı keçərək İspaniya paytaxtına çatmaqdan ötrü uyğun nəqliyyat tapmaq məqsədilə özünün “Twitter” səhifəsində yardım üçün müraciət edib. 16 yaşlı Qreta özünün şəxsi əqidəsinə görə ekologiyaya təsiri azaltmaqdan üçün hava nəqliyyatından imtina edir.

Katamaranda dünya səyahətinə çıxan və bunu “YouTube” kanalında yayımlayan avstraliyalı cütlük isveçli fəala özünün 15 metrlik gəmisi ilə getməyi təklif edib.

BMT-nin iqlim sammiti Çilinin paytaxtı Santyaqoda keçirilməli idi. Lakin ölkədə metroya gediş haqqı artırıldıqdan sonra baş verən iğtişaşlar səbəbindən Prezident Sebastyan Pinyera iqlim sammitinin təşkilindən imtina etməyə məcbur oldu. Çili hər bir halda sammitdə sədrlik edəcək.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.