REGİONLAR


Quba Soyqırımı Memorial Kompleksinin əməkdaşları Gəncədə təcrübə mübadiləsi aparıblar

Quba, 19 oktyabr, Elxan Yusifli, AZƏRTAC

Quba Soyqırımı Memorial Kompleksi və Gəncə Dövlət Tarix-Mədəniyyət Qoruğunun əməkdaşları arasında təcrübə mübadiləsi aparılıb.

AZƏRTAC-ın bölgə müxbiri xəbər verir ki, layihə Quba Soyqırımı Memorial Kompleksi əməkdaşlarının 2021-ci ilin ölkəmizdə “Nizami Gəncəvi İli” elan olunması ilə əlaqədar Gəncə şəhərinə təşkil olunan səfər çərçivəsində həyata keçirilib.

Səfər çərçivəsində kompleksin əməkdaşlarının dahi Azərbaycan şairi və mütəfəkkiri Nizami Gəncəvinin məqbərəsinə, Azərbaycan Xalq Cümhuriyyətinin İstiqlal Muzeyinə və Şah Abbas məscidinə ziyarəti təşkil edilib.

Kompleksin rəhbərliyi və 14 əməkdaşı Gəncə şəhərində ermənilər tərəfindən raket hücumuna məruz qalaraq dağılmış əraziləri də ziyarət edib, terror hadisəsi qurbanlarının, eləcə də Vətən müharibəsində şəhidlik zirvəsinə ucalan şəhidlərimizin xatirələrini ehtiramla anıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.