CƏMİYYƏT


Qubada “Dini radikalizm və ekstremizmə qarşı mübarizədə gənclərin rolunun artırılması” mövzusu müzakirə edilib

Bakı, 1 iyul, AZƏRTAC

İyunun 30-da Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsi, Quba Rayon İcra Hakimiyyəti (RİH) və “İslahatçı Gənclər” İctimai Birliyinin birgə təşkilatçılığı ilə Azərbaycan Dövlət Pedaqoji Universitetinin Quba filialında “Dini radikalizm və ekstremizmə qarşı mübarizədə gənclərin rolunun artırılması” mövzusunda tədbir keçirilib.

AZƏRTAC Komitənin saytına istinadla xəbər verir ki, tədbirdə DQİDK-nın Quba bölgəsi üzrə şöbəsinin baş məsləhətçisi Fərid Məmmədov, Quba RİH başçısı Aparatının İctimai-siyasi və humanitar məsələlər şöbəsinin baş məsləhətçisi Əhməd Nurullayev, ADPU-nun Quba filialının direktoru Yusif Alıyev, “İslahatçı Gənclər” İB-nin sədri Fərid Şahbazlı, "Gənclərin Təşəbbüsünə və İnkişafına Dəstək" İctimai Birliyinin və Diaspor İnformasiya Mərkəzinin sədri Toğrul Allahverdili, müəllim və tələbələr iştirak ediblər.

Çıxışlarda dini radikalizmlə mübarizə sahəsində görülən işlərdən, həyata keçirilən maarifləndirmə tədbirlərindən bəhs olunub. Dini ekstremizmə qarşı mübarizədə gənclərin rolunun artırılmasının vacibliyi vurğulanıb. Bu cür seminarların mütəmadi keçirilməsinin zəruriliyi diqqətə çatdırılıb.

Tədbir qarşılıqlı müzakirələr və sualların cavablandırılması ilə davam edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.