REGİONLAR


Qubada keçmiş məhkumun həyətində külli miqdarda narkotik vasitə aşkar olunub VİDEO

Quba, 18 iyun, Elxan Yusifli, AZƏRTAC

Quba Rayon Polis Şöbəsinin əməkdaşlarının həyata keçirdiyi əməliyyat-axtarış tədbirləri nəticəsində rayonun Mirzəqışlaq kənd sakini, əvvəllər məhkum olunan Mirqasım Babayevin həyətindəki istixanada, həyətyanı sahəsində və yaxınlıqdakı əkin sahəsində əkib –becərdiyi ümumilikdə 110 ədəd yaş vəziyyətdə, həcminin 41 kiloqrama yaxın marixuana aşkarlanıb.

AZƏRTAC-ın bölgə müxbiri xəbər verir ki, araşdırmalar nəticəsində Mirqasım Babayevin narkotik xassəli çətənə bitkilərə oğlu, 1986-cı il təvəllüdlü Kənan Babayevlə birlikdə aqrotexniki qulluq etdiyi məlum olub.

Keçmiş məhkuma məxsus fərdi yaşayış evinin zirzəmisində istifadəyə yararsız qaz sobasının içərisində gizlədilən 16 kiloqramdan çox çətənə bitkisindən kustar üsulla hazırlanan qurudulmuş marixuana aşkar olunaraq götürülüb.

Faktla əlaqədar Quba Rayon Polis Şöbəsinin (RPŞ) istintaq bölməsində cinayət işi başlanılaraq istintaq aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.