MƏDƏNİYYƏT


Qubada xalq çalğı alətləri ifaçılarının IV respublika müsabiqəsinin ilk mərhələsi başa çatıb

Bakı, 27 may, AZƏRTAC

Bəşir Səfəroğlu adına Quba rayon Mədəniyyət Mərkəzində Mədəniyyət Nazirliyi tərəfindən təşkil edilən Uşaq və gənclər arasında xalq çalğı alətləri ifaçılarının IV respublika müsabiqəsinin birinci mərhələsi keçirilib.

Nazirlikdən AZƏRTAC-a bildirilib ki, müsabiqədə Xaçmaz, Quba, Qusar, Şabran, Siyəzən və Xızı rayonlarında fəaliyyət göstərən uşaq musiqi və uşaq incəsənət məktəblərində təhsil alan xalq çalğı alətləri ifaçıları iştirak ediblər.

Münsiflər heyəti tərəfindən aparılan qiymətləndirilməyə əsasən uğur qazanan şagirdlər iyunun 7-9-da Bakı şəhərində keçiriləcək müsabiqənin ikinci turunda iştirak edəcəklər.

Müsabiqə ölkəmizdə musiqi təhsilinin inkişaf etdirilməsi, xalq çalğı alətlərinin təbliği, istedadlı uşaq və gənclərin aşkara çıxarılması, onların dəstəklənməsi və yaradıcılıq potensialının yüksəldilməsi məqsədilə təşkil olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.