Quba, 6 mart, Elxan Yusifli, AZƏRTAC

Qubada ikimərtəbəli evdə yanğın nəticəsində bir nəfər tüstüdən zəhərlənib.

AZƏRTAC-ın bölgə müxbiri xəbər verir ki, yanğın ümumi sahəsi 120 kvadratmetr olan ikimərtəbəli evin 2-ci mərtəbəsində baş verib. Evdə olan bir nəfər yataq xəstəsi yanğınsöndürənlər tərəfindən xilas edilib. Tüstüdən zəhərlənmə əlamətləri olan şəxs təcili tibbi yardım maşını ilə xəstəxanaya çatdırılıb.

Evin qalan hissəsi yanğından mühafizə olunub.

Yanğın yanğından mühafizə bölmələri tərəfindən söndürülüb.