REGİONLAR


Qubada yol qəzasında ölənlərin kimliyi müəyyənləşib

Quba, 10 yanvar, Elxan Yusifli, AZƏRTAC

Qubada ağır yol qəzasında ölənlərin kimliyi müəyyənləşib.

AZƏRTAC-ın bölgə müxbiri xəbər verir ki, hadisə nəticəsində Quba rayonunun Barlı kənd sakini, 2002-ci il təvəllüdlü Abbasov Zakir Eldəniz oğlu, Xaçmaz rayonunun Arzu qəsəbəsinin sakini, 2003-cü il təvəllüdlü Qasımov Coşqun Kamil oğlu və Xaçmaz rayonunun Padar kənd sakini, 1986-cı il təvəllüdlü Tanrıverdiyev Nahid Teymur oğlu həlak olublar.

Xatırladaq ki, yanvarın 10-u səhər saatlarında Quba-Xaçmaz yolunda ağır yol qəzası baş verib. Quba-Xaçmaz yolunun Zərdabi qəsəbəsindən keçən hissəsində “Ford” markalı yük avtomobili “VAZ 21010” markalı minik avtomobili ilə toqquşub. Qəza nəticəsində minik avtomobilində olan 2 nəfər hadisə yerində ölüb. Bir nəfər isə xəstəxanaya aparılarkən yolda dünyasını dəyişib.

Faktla bağlı araşdırmalar aparılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.