REGİONLAR


Qubadlı MKS-də “Azad Qarabağım və Şuşalı ilim” adlı tədbir keçirilib

Sumqayıt, 19 may, Ətrabə Rzayeva, AZƏRTAC

Qubadlı rayon Mərkəzləşdirilmiş Kitabxana Sistemində (MKS) “Azad Qarabağım və Şuşalı ilim” adlı tədbir keçirilib. Rayonun bir qrup yaradıcı ziyalısının iştirak etdiyi tədbir dəyirmi masa formatında təşkil olunub.

AZƏRTAC xəbər verir ki, tədbir torpağımızın azadlığı uğrunda canından keçən şəhidlərimizin əziz xatirəsinin bir dəqiqəlik sükutla yad edilməsi ilə başlayıb.

MKS-in direktoru Müşgünaz Muradova və xidmət şöbəsinin müdiri Akifə Sərməsova iştirakçıların hər biri haqqında məlumat verib, onların yaradıcılıq uğurlarından danışıblar.

Süleyman Rəhimov adına Qubadlı rayon Ədəbi İctimai Birliyinin sədri Qafqaz Əvəzoğlu qalib ölkənin şairlərinin və yazıçıların fəaliyyətindən söz açıb.

Tədbirdə iştirak edən şairlərin yaradıcılıqlarına nəzər yetirilib və yeni kitablar, yazılar oxuculara təqdim edilib.

Qubadlı rayon Mahmudlu kənd tam orta məktəbinin müəllim və şagirdləri şairlərin vətənpərvərlik ruhlu şeirlərini ifa ediblər.

Sonda tədbir iştirakçıları “Qubadlı yazarları” adlı kitab sərgisinə baxış keçiriblər.

 

 

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.