CƏMİYYƏT


Qubanın Qrız kəndində 36 santimetr hündürlüyündə qar örtüyü əmələ gəlib

Bakı, 26 fevral, AZƏRTAC 

Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına əsasən fevralın 25-də ölkə ərazisində hava şəraiti qeyri-sabit keçib, bəzi yerlərdə yağış, dağlıq ərazilərdə qar yağıb, güclü şimal-qərb küləyi əsib.

Departamentdən AZƏRTAC-a bildiriblər ki, küləyin sürəti Gəncə, Naftalanda 35, Zərdabda 34, Tərtər, Bərdədə 32, Neftçala, Mingəçevirdə 30, Göyçay, Ağdamda 28, Daşkəsən, Yevlax, Xaçmazda 25, Ağstafada 22, Altıağacda 21, Şəmkir, Şəki, Beyləqan, Xınalıq, Nabran, Şahdağ, Naxçıvanda 20, Gədəbəydə 19, Zaqatala, Şamaxı, Yardımlı, Qəbələdə 18, Lerik, Salyan, Ağsu, Sabirabadda 17, Kişçay (Şəki), Oğuzda 16, Xaltan, Şərurda 15, Abşeron yarımadasında və Abşeron Dəniz rayonunda 18-23, arabir 25-30 metr/saniyəyədək güclənib. Neft Daşları stansiyasının məlumatına əsasən, Xəzər dənizində dalğanın hündürlüyü 4,2 metrə çatıb.

Fevralın 25-də Xaltanda 12, Daşkəsəndə 10, Qubada 9, Qrızda 8, Gədəbəy, Altıağacda 7, Göygöl, Qusarda 6, Mərəzədə 4, Şahdağ, Şamaxı, Sarıbaşda 3, Lerik, Xınalıqda 2, Kişçay, Ağdərədə 1 millimetr qar yağıb. Nəticədə Qrızda 36, Şahdağ, Xınalıqda 30, Ağdərədə (Ordubad) 27, Sarıbaşda (Qax) 25, Daşkəsəndə 15, Xaltanda 12, Gədəbəydə 10, Altıağacda 8, Qubada 7, Göygöldə 5, Qusarda 4 santimetr hündürlüyündə qar örtüyü əmələ gəlib.

Həmçinin Astarada 5, Lənkəran, Şabranda 3, Ağstafada 2, Naxçıvan, Ordubad, Sədərək, Gəncə, Tovuz, Balakən, Sabirabad, Cəfərxan, Qazıməmməd, Bakıda və Abşeron yarımadasında 1 millimetr yağış yağıb.

Havanın minimal temperaturu dağlıq rayonlarda 2-7°, yüksək dağlıq ərazilərdə 14-19° şaxta təşkil edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.