İDMAN


Qurban Qurbanov: Futbolçularım əsl idmançı xarakteri nümayiş etdirdilər

Poltava, 9 noyabr, AZƏRTAC

Futbolçularımı təbrik edirəm. Çox vacib qələbə qazandılar. Oyundan da razı qaldım. 90 dəqiqə mübarizədən geri çəkilmədilər, meydanın hər yerində ən yaxşısını etməyə çalışdılar.

AZƏRTAC xəbər verir ki, bunu "Qarabağ”ın baş məşqçisi Qurban Qurbanov Avropa Liqasının qrup mərhələsinin IV turunda səfərdə Ukrayna "Vorskla"sını 1:0 hesabı ilə məğlub etdikləri oyundan sonra mətbuat konfransında deyib.

Q.Qurbanov bildirib ki, oyunda konsentrasiya daha yaxşı idi, nəinki Bakıda. “Bu gün sübut etdik ki, Bakıda da qalib gəlməli idik. Evdə də meydana qələbə üçün çıxmışdıq, ancaq alınmadı. Burada isə istəyimizə nail olduq. Bu gün qələbəyə inamım var idi. Həmişə rəqibi canlı gördükdən sonra digər matça daha rahat hazırlaşa bilirsən. Bu amilin də rolu oldu. Həm Bakıda, həm də burada qalibiyyət arzulayırdıq. Sadəcə, səfər matçında alındı. Futbol kollektiv oyundur. Məncə, komponentləri deməyim düzgün çıxmaz. Futbolçularım tapşırıqları düzgün yerinə yetirdilər və əsl idmançı xarakteri nümayiş etdirdilər”, - deyə baş məşqçi əlavə edib.

Emil Hüseynli

AZƏRTAC-ın xüsusi müxbiri

Poltava

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.