CƏMİYYƏT


Qurban bayramı Gürcüstanda geniş qeyd olunur

Tbilisi, 11 avqust, AZƏRTAC

Müqəddəs Qurban bayramı Gürcüstanda da geniş qeyd edilir.

AZƏRTAC xəbər verir ki, avqustun 11-də səhər saatlarında Tbilisidəki Cümə məscidində bayram namazı qılınıb.

Gürcüstan Müsəlmanları İdarəsinin müftisi hacı Yasin Əliyev bütün müsəlmanları müqəddəs Qurban bayramı münasibətilə təbrik edib və bu bayramın məziyyətlərindən danışıb.

O, bildirib ki, Qurban bayramı bu il bir qədər fərqli keçirilir. Gürcüstanda azərbaycanlıların yığcam yaşadıqları bölgələrdə kasıb və imkansız ailələrin siyahısı hazırlanıb. Kəsilən qurbanlıq heyvanlardan həmin insanlara pay göndəriləcək.

Yasin Əliyev qurban kəsən insanları da kasıblara yardım göstərməyə dəvət edib.

O, həmçinin deyib ki, Türkiyədən Gürcüstan müsəlmanlarına 215 baş iri və xırda buynuzlu heyvan hədiyyə olunub. Türkiyə Diyanət İşləri Bakanlığı və “Qızılay” təşkilatı tərəfindən göndərilən heyvanların 135 başı müsəlmanlarım yığcam yaşadıqları Şərqi Gürcüstan, qalanları isə Acarıstan Muxtar Respublikası ərazisində kəsiləcək.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.