MƏDƏNİYYƏT


“Qürbətdən gələn məktublar” növbəti dəfə səhnədə

Bakı, 7 may, AZƏRTAC

Azərbaycan Dövlət Akademik Milli Dram Teatrında yazıçı-diplomat Həsən Həsənovun eyniadlı əsəri əsasında hazırlanan ikihissəli dram – “Qürbətdən gələn məktublar” tamaşası nümayiş edilib.

AZƏRTAC xəbər verir ki, tamaşaya Xalq artisti Mərahim Fərzəlibəyovun quruluşunda baxılıb.

Səhnə əsərinin quruluşçu rəssamı Əməkdar mədəniyyət işçisi İlham Elxanoğlu, musiqi tərtibatçısı Həmid Kazımzadədir. Tamaşada əsas rolları Xalq artistləri Ramiz Məlik, Laləzar Mustafayeva, Hacı İsmayılov, Kazım Abdullayev, Əməkdar artistlər Elşən Cəbrayılov, Vəfa Rzayeva, aktyorlar Rüstəm Rüstəmov və Elçin Əfəndi ifa edib.

Mədəniyyət Nazirliyinin sifarişi ilə hazırlanan tamaşada aktyorların məharətli çıxışı səhnə əsərini baxımlı edib, tamaşa maraqla qarşılanıb.

Qeyd edək ki, əsər ilk dəfə 2003-cü ildə rejissor Ramiz Həsənoğlunun quruluşunda “Brüsseldən məktublar” adı ilə səhnəyə qoyulub. Çağdaş günümüzlə səsləşən tamaşada M.F.Axundov obrazını ilk dəfə mərhum aktyor, Xalq artisti Əliabbas Qədirov canlandırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.