REGİONLAR


Qusar Dövlət Ləzgi Dram Teatrı “Xarı bülbül” tamaşasını təqdim edəcək

Qusar, 23 fevral, Elxan Yusifli, AZƏRTAC

Qusar Dövlət Ləzgi Dram Teatrının kollektivi tamaşaçılara yeni səhnə əsərini təqdim etməyə hazırlaşır.

AZƏRTAC-ın bölgə müxbiri xəbər verir ki, “Xarı bülbül” adlı tamaşa Xocalı faciəsinin 27-ci ildönümü münasibətilə səhnələşdirilib.

Otuza yaxın aktyor heyətinin rol aldığı tamaşada ermənilərin soydaşlarımızın başına gətirdiyi müsibətlər əks etdirilir. Bütövlükdə bəşəriyyətə və insanlığa qarşı törədilmiş cinayət hadisəsindən bəhs edən yeni tamaşa üçün xüsusi dekorasiya hazırlanıb.

Səhnə əsərinin rejissoru Azərbaycan Respublikasının Əməkdar mədəniyyət işçisi, Dağıstan Respublikasının Əməkdar artisti Laləzar Hüseynova, quruluşçu rəssamı Marina Mahmudova, musiqi tərtibatçısı Şaiq Qardaşovdur.

“Xarı bülbül” tamaşası fevralın 26-da Qusar Mədəniyyət Evində nümayiş etdiriləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.