REGİONLAR


Qusarda sərnişin mikroavtobusu "Mercedes"lə toqquşub

Qusar, 9 fevral, Elxan Yusifli, AZƏRTAC 

Fevralın 9-da Qusar rayonunda "Hyundai" markalı sərnişin avtobusu ilə "Mercedes" markalı avtomobil toqquşması nəticəsində iki nəfər xəsarət alıb.

AZƏRTAC-ın bölgə müxbiri xəbər verir ki, hadisə Bakı–Quba–Rusiya Federasiyası ilə dövlət sərhədi avtomobil yolunun 191-ci kilometrliyində baş verib.

Qəza nəticəsində Qusar-Xudat marşrutu üzrə hərəkət edən mikroavtobusun qadın sərnişini Şükufə Abdullayeva və "Mercedes"in sürücüsü Fuad Fərzəliyev xəsarət alıb.

Yaralılar Qusar Rayon Mərkəzi Xəstəxanasına yerləşdirilib. Bədəninin müxtəlif nahiyələrində sınıqlar olan Fuad Fərzəliyevə müvafiq tibbi yardım göstərilib. Avtobusun sərnişini Ş.Abdullayeva isə ilkin tibbi yardımdan sonra evə buraxılıb.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.