MƏDƏNİYYƏT


Qutab və lavaşa həsr olunan ustad məşğələsi təşkil edilib

Bakı, 17 sentyabr, AZƏRTAC

“İçərişəhər” Muzey Mərkəzinin Qala Dövlət Tarix-Etnoqrafiya Qoruğunda “Azeri Home Chef” adlı növbəti silsilə ustad məşğələsi keçirilib.

Qoruq İdarəsindən AZƏRTAC-a bildirilib ki, ustad məşğələ bu dəfə qutab və lavaşa həsr olunub.

Qutabın ət, göyərti, şor, balqabaq, şabalıd kimi bütün növlərini bişirməkdə məqsəd təkcə bu dadlı milli təamların bişirilmə qaydasını öyrənmək deyil, həm də milli mətbəximizi qorumaq, onu nəsildən-nəslə layiqincə ötürməkdir. Ət qutabları Qala muzey-qoruğunda yetişdirilən, quyruğu yerə dəyən nadir cins qoyunların – Qala qoyununun ətindən bişirilərək hazırlanıb.

Xatırladaq ki, lavaş 2016-cı ildə türkdilli ölkələrin, o cümlədən Azərbaycanın irsi kimi UNESKO-nun Qeyri-Maddi Mədəni İrs üzrə Reprezentativ Siyahısına daxil edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.