İDMAN


RF Prezidenti Kuboku uğrunda sambo üzrə Yaponiya çempionatı fevralın 10-da keçiriləcək

Bakı, 15 yanvar, AZƏRTAC

Yaponiya Sambo Federasiyasının vitse-prezidenti, Beynəlxalq Sambo Federasiyasının İcraiyyə Komitəsinin üzvü Nobuyuki Asainin TASS agentliyinə verdiyi məlumata görə, RF Prezidenti Vladimir Putinin təsis etdiyi kubok uğrunda sambo üzrə Yaponiya birinciliyi fevralın 10-da keçiriləcək.

AZƏRTAC TASS agentliyinə istinadla xəbər verir ki, çempionat Tokionun Sumida rayonundakı idman sarayında keçiriləcək. Hər il keçirilən bu turnirdə 100-dən çox idmançı iştirak edir. Çempionatın qalibləri beynəlxalq yarışlarda iştirak etmək üçün seçilir. Sambo üzrə Yaponiya çempionatı 45-ci dəfə, RF Prezidenti Kuboku uğrunda birincilik 7-ci dəfə keçiriləcək.

1970-ci illərin axırlarından 1990-cı illərin əvvəlinə qədər Yaponiyada sambo çox geniş yayılmışdı. 1980-ci il Olimpiadasından sonra idmanın bu növünə maraq tədricən azalmağa başladı. Lakin 2013-cü ildə Kazanda Universiada keçirilən ərəfədə Yaponiyada sambo növbəti dəfə populyarlaşdı. 2018-ci ilin noyabr ayında Beynəlxalq Olimpiya Komitəsi (BOK) sambonu müvəqqəti olaraq olimpiya idman növü kimi qəbul etdi. Bu o deməkdir ki, gələcəkdə sambo Olimpiya Oyunlarının proqramına daxil edilə bilər. Bu halda BOK idmanın bu növü üçün hər il 25 min dollar məbləğində maliyyə vəsaiti ayıracaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.