SİYASƏT


RF Prezidentinin mətbuat katibi: Moskva Rusiya ilə Türkiyə arasında ikitərəfli münasibətləri yüksək dəyərləndirir

Moskva, 17 noyabr, AZƏRTAC

RF Prezidentinin mətbuat katibi bəyan edib ki, Moskva Rusiya ilə Türkiyə arasındakı ikitərəfli münasibətləri yüksək dəyərləndirir.

AZƏRTAC xəbər verir ki, bu barədə Kremlin rəsmi nümayəndəsi ABŞ və Fransanın Qarabağ münaqişəsinin nizamlanmasında Türkiyənin rolunun izah edilməsi barədə çağırışına dair sualı cavablandırarkən bildirib.

D.Peskov deyib: “Şübhəsiz, əgər Minsk qrupunda həmsədrlik üzrə bizim tərəfdaşlarımızın izaha ehtiyacı olarsa, əlbəttə, bu izahlar təqdim ediləcək. Xüsusən ona görə ki, bizim diplomatik qurumlarımızın xətti ilə hazırda Qarabağ məsələsi üzrə müntəzəm əlaqələr həyata keçirilir”.

D.Peskov Türkiyənin ABŞ və Fransa ilə ikitərəfli əlaqələrini şərh etməyib. “Bizim öz ikitərəfli münasibətlərimiz mövcuddur və biz bu münasibətləri çox yüksək dəyərləndiririk. Bizim birgə həmsədr statusumuza gəlincə, əlbəttə, bizim üçün başlıca məsələ Qarabağda bu yaxınlarda bərqərar olan sülhü qoruyub saxlamaq, bütün qaçqınların və məcburi köçkünlərin geri qayıtmasını təmin etmək və sair, həmçinin bu sülhün qorunub saxlanmasının monitorinqini aparmaqdır”, - deyə D.Peskov əlavə edib.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.