RƏSMİ XRONİKA
RİQA MERİYA ŞURASININ SƏDRİ AYVARS AKSENOKSUN ÇIXIŞI
- Cənab Azərbaycan Respublikasının Prezidenti!
Hörmətli cənablar!
Hörmətli Azərbaycan nümayəndə heyətinin üzvləri!
Bu gün Riqa Şəhər Dumasının və Latviya Respublikası paytaxtının ali özünüidarə orqanının nümayəndələri adından sizi burada qarşılamaq bizim üçün böyük şərəfdir və sizi ratuşada salamlamaqdan iftixar duyuruq.
Müxtəlif ölkələrin başçılarının Riqa Dumasına gəlməsi xoş ənənəyə çevrilmişdir və dövlətlərin və iri şəhərlərin rəhbərlərinin vahid məqsədə doğru getdiyini təsdiq edir ki, bu da bütün mümkün səviyyələrdə əməkdaşlığa kömək edir. Mən Baltikyanı ölkələrə ilk rəsmi səfəriniz zamanı Sizi salamlamağıma şadam və bizə çox xoşdur ki, regionda səfər etdiyiniz birinci ölkə məhz Latviya olmuşdur.
Ötən ilin əvvəllərində, Latviyada və Azərbaycanda bu səfərə hazırlıq görülən vaxt ilk Riqa-Bakı aviareysi açıldı. Ünsiyyət daha da asanlaşdı, bu isə şəhərlərimizin sakinlərinin qarşılıqlı əlaqəsinin inkişafına, turizmin, dövlətlərimizin iqtisadiyyatının inkişafına kömək edir.
Bizim məqsədimiz həyat səviyyəsinin hərtərəfli yaxşılaşdırılması, demokratiyanın inkişafı, şəhərlərimizin və ölkələrimizin əhalisinin təhlükəsizliyinin təmin edilməsidir. Əminəm ki, uğurlu və qarşılıqlı surətdə faydalı əməkdaşlıq buna kömək göstərəcəkdir. Biz ölkələrimizin şəhərləri üçün qarşılıqlı maraq doğuran əlaqələrin yaradılmasının bundan sonra da dəstəklənməsinə görə Azərbaycan Respublikasının dövlət təsisatlarına minnətdar olacağıq.
Latviya paytaxtına ilk rəsmi səfərinizi xoş və səmərəli keçirməyinizi arzu edirəm. Arzu edirəm ki, şəhərimizin gözəlliyini görəsiniz, vətənə ən yaxşı və xoş təəssüratla qayıdasınız.
Riqa Dumasının ratuşasına xoş gəlmisiniz və mən Sizə Fəxri qonaqlar kitabını imzalamağı təklif edirəm.
X X X
Prezident İlham Əliyev meriyanın Fəxri qonaqlar kitabını imzaladı.
Sonra dövlətimizin başçısı görüşdə çıxış etdi.