DÜNYA


RUSİYANIN ACARISTAN SAKİNLƏRİ ÜÇÜN SADƏLƏŞDİRİLMİŞ VİZA REJİMİ TƏTBİQ ETMƏSİNƏ GÜRCÜSTAN RƏSMİLƏRİNİN MÜNASİBƏTİ

Xəbər verdiyimiz kimi, Rusiya “Acarıstanda yaşayan Gürcüstan vətəndaşlarının dekabrın 9-dan Rusiyaya gəlib-getməsi üçün müvəqqəti əsasda sadələşdirilmiş qayda tətbiq olunması” haqqında qərar qəbul etmiş və bu qərar Gürcüstanda birmənalı qarşılanmamışdır.

AZƏRTAC-ın müxbiri Tbilisidən xəbər verir ki, Gürcüstanın Rusiyadakı səfiri Zurab Abaşidze həmin qərarı “razılaşdırılmamış və birtərəfli addım” adlandırmışdır. O demişdir ki, “viza rejiminin ölkənin bütün bölgələrinin sakinləri üçün yüngülləşdirilməsini alqışlayardı, lakin ayrıca bölgələr üçün birtərəfli və razılaşdırılmamış qərarı qeyri-məqbul hesab edir”.

Gürcüstan prezidentliyinə namizəd Mixail Saakaşvili isə demişdir ki, biz Rusiya ilə yaxşı münasibətlərimizin olmasını istəyirik. Əgər Moskva da Gürcüstanla belə münasibətlərin olmasını istəyirsə, onda bölgələr arasında ayrı-seçkiliq qoymasın. Biz Rusiya ilə mehriban qonşuluq və vizasız münasibətlərin inkişaf etdirilməsinə tərəfdarıq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.