İDMAN


Rafael Varan “Ayaks”la oyunu buraxa bilər

Bakı, 13 fevral, AZƏRTAC

İspaniyanın “Real Madrid” futbol klubunun müdafiəçisi Rafael Varanın UEFA Çempionlar Liqasının səkkizdəbir final mərhələsində “Ayaks”la oyunda iştirakı sual altındadır.

AZƏRTAC xarici KİV-lərə istinadla xəbər verir ki, 25 yaşlı fransalı müdafiəçi xəstələndiyi üçün həkimlər onun oyunu buraxmağını tələb ediblər. Klub rəhbərliyi isə futbolçunun oyuna çıxıb-çıxmayacağı ilə bağlı qəti qərara gəlməyib. Yaxın saatlarda futbolçunun oyunda iştirakı ilə bağlı qarar qəbul olunacaq.

“Ayaks”-“Real Madrid” oyunu bu gün Bakı vaxtı ilə saat 00:00-da başlayacaq.

Qeyd edək ki, müdafiəçi cari mövsümdə Madrid təmsilçisinin heyətində keçirdiyi 28 oyunda 1 dəfə fərqlənib. Fransa millisinin heyətində isə müdafiəçi 53 oyunda iştirak edib və 3 qol vurub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.